Андрей Микляев: "Ниҳоят гол уришни уддаладик"

- Нима дейишни ҳам билмайман. Албатта натижадан ва гол урганимиздан хурсандман. Охирги баҳсларда гол уришда муаммоларга дуч келаётгандик. Бу ёқимсиз серияни бузганимиздан мамнунман.

Бугунги беллашув ҳақиқий кубок учрашувига мос тарзда кечди. "Бунёдкор" бизга қарши ёпиқ ўйин услубини танлади. Бу баҳсда голли вазиятлар кам содир этилди.

Таркибдаги ўзгаришлар? Жамоа ғалаба қозонаётганда таркиб ўзгартирилмайди. Мағлубият бўлган паллада эса ниманидир ўзгартириш керак бўлади. "Локомотив"даги барча футболчилар ўз ўйинлари билан жамоага наф келтиришлари керак. КЎплаб футболчилар узун мавсумни ўтказишмоқда ва чарчашгани табиий. Кейин футболда жароҳатлар ва карточкалар бўлади. Шу боис ҳаммасини инобатга олишга мажбурмиз. Шунингдек, жамоамиз ҳозирда ҳар уч кунда ўйин ўтказмоқда.

Бобур Йўлдошевнинг қанотга ўйнатганимиз кўплаб омиллар сабаб. Энг асосий омил бу "Бунёдкор"нинг қанотлари анча тез эди. Шунга мослаб Тўхтахўжаевни эмас, балки Бобурни қанотда ўйнатишга қарор қилдик.

Иккинчи даврада "Локомотив" мавсум аввалида бўлгани каби кучга тўла эмасдек кўринмоқда.

Бугун фақат натижадан кўнглим тўлди. Биз ҳар ўйинда фақат ҳужумкор футбол намойиш эта олмаймиз. Мухлисларимиз эса "Локомотив"нинг чиройли ва ҳужумкор ўйинларига ўрганиб қолишган. Лекин ҳозир жамоамиз бу каби ўйнашга қодир эмас. Чунки ҳали айтиб ўтганимдек кетма-кет ўйинлар ўтказяпмиз.