Андрей Микляев: “Курашларга бой ўйин учун футболчиларимга раҳмат айтаман“

“Бугунги ўйин жуда қизиқарли ва муросасиз кечди. Кураш, ҳавфли вазиятлар кўп бўлди. Шуни айтишим мумкинки, биз майдонда боримизни бердик. Ғалабага яқин келаётгандик. Стандатдан гол ўтказиб юбордик, рақиб хатоларимиздан фойдаланди. Курашларга бой ўйин учун футболчиларимга раҳмат айтаман. 

Биз ҳар доим ғалаба учун ўйнаймиз. Биз нафақат тенгма-тенг, балки ғалаба қозона олишимиз мумкинлигини исботладик. Тўғри, уч очко қўлга кирита олмадик. Назаримда бир очко ҳам ёмон эмас. 

Рақибни турнир жадвалидаги ўрнидан ҳам қандай жамоалигини билиса бўлади. “Металлург” яхши жамоа, тажрибали футболчиларга эга. Бугун ютиб кетишимиз мумкин эди.

Азизбек Амонов ўзини алмаштиришни сўради, унда жароҳат бор эди. Ғуломовни жойини ўзгартириб, Қиличевни майдонга туширдик. Ўлмасалиевни тушуришдан мақсад ўйинни кучайтириш эди. Кўрдингиз, баҳс курашларга бой тарзда ўтди. 

Мағлубиятга учрамадик ва дуранг қайд этдик. Албатта, қониқмаган жиҳатларимиз ҳам бор”, - дейди Микляев.