Андрей Микляев: "Фарғонада 2 очко йўқотдик"

"Бугун икки очко йўқотдик. Кичик устунликка эга бўлдик, аммо вазиятлардан унумли фойдалана олмадик. Бизга қарши кўпчилик шундай ўйнайди, ҳимоявий ва қарши ҳужумга ўтади. Бугун қарши ҳужумдан чиройли гол ўтказиб юбордик. Бугун бизнинг кунимиз эмас экан. "Нефтчи" тартибли ҳимояланди, таркибида тезкор футболчилар борлиги қарши ҳужумларнинг хавфли чиқишини таъминлади. Ўйин қизиқарли ўтди деб ўйлайман.

Биз ғалабага яқинроқ эдик, оддий мисол Алибоевнинг бирга бир чиққанида гол урсак бўларди. "Нефтчи"да тажрибали мураббий ишлаётгани сезилиб турибди. Славен Степанович бугун дебют қилди, кам вақт ҳаракат қилган бўлса ҳам ўйинни бузиб қўймади. Кўникиш учун унга вақт керак", - дейди Микляев.

"Локомотив" матбуот хизмати