Андрей Микляев: "Бошимиз қотган"

- Жуда қийин учрашув бўлди. Ўйинни ёмон бошламагандик. Биринчи таймда бир қатор имкониятлар бўлганди. Аммо негадир бугун бизнинг ўйинимизни кутилганидек мева бермади. Иккинчи таймда эса айтарли вазиятлар ҳам ярата олмадик. Ўйин тенг кечди. "Бунёдкор" ўз имкониятидан фойдаланди ва ғалабага эришди. Бу билан уларни табриклайман.

Таркибдаги бир қатор футболчилар жароҳатланган. Бугун ҳам Муҳаммадиев жароҳат олди ва алмаштиришни сўради. Шунингдек, Олег Зотеев ҳам уни алмаштиришни сўраганди. Кейинги баҳсни Коне дисквалификация туфайли ўтказиб юборади. Ислом Тўхтахўжаевда ҳам жароҳат мавжуд. Бошимиз қотган.
Ҳужумда муаммоларимиз бор. Бикмаев ҳам жароҳатланган. Охирги ўйинларда вазиятларни голга айлантиришда муаммоларга дуч келяпмиз.  

- Икром Алибоев иккинчи даврада "Пахтакор"да ўтаётгани қанчалик рост?
- Бу ҳақида бирор нарса дея олмайман. Изоҳсиз.

- Давралар оралиғида янгиликлар бўладими? Кўрикда ҳозирда бир қатор легионер футболчилар кўриниш бергани ҳақида маълумотлар мавжуд?
- Ҳа, легионерлар мавжуд ва улар кўрикда. Ким қолиш ёки қолмаслиги ҳозирча номаълум.