Андрей Демченко: "Насаф" "Барса" ёки "Реал" эмасди"

"Насаф" яхши жамоа. Уларнинг ўйинларини кузатгандик, ўргангандик. Бизнинг жамоа қандай ўйнагани мени таажубга солмоқда. Рақиб "Милан", "Барселона" ёки "Реал" эмас. Бизнинг таркибимиздаги баъзи футболчилар олий лигада ўйнашга лойиқ эмас. Агар сенда маҳорат кам бўлса уни жисмоний ҳаракатлар билан қоплашинг лозим. Югуриш, халал бериш... Ҳимоядаги ўйинимиздан лол қолдим.

Таркибда баъзи ўйинчиларга умуман эътирозим йўқ. Улар курашишмоқда. Аммо афсуски ёзда вақтимиз жуда кам эди.

Олдинги ўйинларимизга қараб ишончни ушлаб оламиз деб умид қилгандим. "Олмалиқ"да 90+4-дақиқада гол ўтказиб ютқазгандик. Бугун эса бизни босиб кетишди, мен ёмон аҳволдаман.

Ёзда мен иккинчи давра бошланишига 15 кун қолганида келдим. Аслида "Обод" йўқ бўлиб кетиши керак эди. Аммо олдинги раҳбарият билан келишувга эришилди ва иккинчи даврада иштирок этаяпмиз. Мақсадимиз ҳеч бўлмаса ўтиш ўйинида қатнашиш.

"Обод"га шундай таъриф бераман: ҳавода қулаётган самолётни ҳавонинг ўзида таъмирлашга ҳаракат қилаяпмиз, - дейди Демченко.