Андрей Аршавин: Россияда қолган жамоаларга қараганда имконият жуда кам

“Россияликларда қолган жамоаларга қараганда имконият жуда кам. Бироқ ҳамма нарса юз бериши мумкин. Агар Россия Испанияни ютган бўлса, демак, бошқа жамоаларни ҳам мағлуб эта олиши мумкин. Хорватия ўта кучли ва жиддий рақиб. Улар бир маромда кучли ўйин кўрсатмоқда. Шундай экан Россияга худди Испанияга қарши ўйиндагидек ўта қийин бўлади. Айтадиган бўлсам, Акинфеев Россиянинг сўнгги 20 йилдаги энг кучли дарвозабони ҳисобланади. Россия термаси яхши ўйин кўрсатмоқда, йигитлар жисмоний жиҳатдан ўйинларга тайёр, қўшимчасига мухлисларнинг ақлбовар қилмас қўллаб-қувватлови, буларнинг ҳаммаси Россия ҳозир кўрсатаёган натижаларнинг асосий сабабчисидир”,—деди Аршавин.