"Андижон" тарихда илк бор "Пахтакор"ни Тошкентда енгди
13 апр 2025 20:32
Янгиликлар

"Андижон" тарихда илк бор "Пахтакор"ни Тошкентда енгди

Суперлига 5-туридан ўрин олган "Пахтакор" – "Андижон" қарама-қаршилиги ниҳоясига етди.

Унда "бургутлар" сафарда "шерлар"ни 3:2 ҳисобида мағлубиятга учратди. Эътиборлиси, "Андижон" ўз тарихида биринчи марта Тошкентда "Пахтакор"ни ютишни уддалади.

Бундан ташқари, "Андижон" 26 йиллик танаффусдан сўнг "Пахтакор" дарвозасига 3 марта йўл топди. Андижонликлар охирги марта 1999 йилги Олий лига иккинчи даврасида "Пахтакор" дарвозасига 3 та тўп киритишга эришганди (3:3).

Маълумот учун, бугунги баҳсдан кейин "Андижон" 9 очко билан 4-ўринга чиқиб олган бўлса, "Пахтакор" 3 очко билан 13-поғонадан жой олди.

Ҳавола :

Манба : Championat.asia

Янгиликларни Телеграмда ўқинг!

Рейтинг: +13