“Андижон” – “Сўғдиёна” жамоалари ўртасидаги учрашув арафасида...

Учрашувга бўлган қизиқиш жуда юқори. Сабаби, “Андижон” иккинчи даврани муваффақиятли бошлади, бироқ, сўнгги икки турдаги мағлубиятлар мухлисларни хафа қилгани бор гап. Қолаверса, бугун “Андижон” ўз мухлислари қаршисида ўйнайди ва уларни хурсанд қилиш учун майдонга тушиши аниқ.

Жиззахнинг “Сўғдиёна” жамоасини иккинчи даврада тўҳтатиб бўлмаяпти. Улуғбек Бақоев бошчилигидаги жамоа иккинчи даврада бешта учрашув ўтказиб, шуларнинг 4тасини ғалаба билан якунлаган бўлса, сафарда “Бухоро” жамоаси билан дуранг ўйнади. Кўриб турганингиздек, “Сўғдиёна” “авжига” чиққан пайт.

“Андижон” ҳамда “Сўғдиёна” жамоаларнинг иккинчи даврадаги учрашувлари:
“Андижон” – “Бухоро” 2:0
АГМК – “Андижон” 2:2
“Металлург” – “Андижон” 0:2
“Андижон” – “Навбаҳор” 0:1
“Пахтакор” – “Андижон” 5:1

“Сўғдиёна” – “Локомотив” 1:0
“Қўқон-1912” – “Сўғдиёна” 1:2
“Сўғдиёна” – “Қизилқум” 1:0
“Бухоро” – “Сўғдиёна” 1:1
“Сўғдиёна” – АГМК 1:0

“Андижон” – “Сўғдиёна” жамоаларининг сўнгги бешта мавсумдаги ўзаро учрашувлари:
Бугунги жамоалар 2011 йилги мавсумдан шу кунгача ўзаро 9 маротаба баҳс олиб боришди. Ўтказилган 9 учрашувнинг тўрттасида “Андижон” жамоасининг қўли баланд келган бўлса, жиззахликлар ҳам 4 та учрашувда ғолиб бўлишган. Атиги битта учрашувда жамоалар муроса кўчасини танлашган.
Жорий мавсумнинг биринчи даврасидаги ўйини Жиззахда бўлиб ўтганди ва ўшанда ҳимоядаги хатолар эвазига "Андижон" 1:2 ҳисобида аламли мағлубиятга учраганди.

2011 йил:
“Андижон” - “Сўғдиёна” 2:1
“Сўғдиёна” – “Андижон” 1:1
2014 йил:
“Андижон” - “Сўғдиёна” 1:2
“Сўғдиёна” – “Андижон” 1:0
2015 йил:
“Андижон” - “Сўғдиёна” 3:2
“Сўғдиёна” – “Андижон” 1:2
2016 йил:
“Андижон” - “Сўғдиёна” 3:0
“Сўғдиёна” – “Андижон” 1:0
2019 йил:
“Сўғдиёна” – “Андижон” 2:1
“Андижон” - “Сўғдиёна” ?:?

Учрашувни Зокир Қодиров бошқариб боради
Бугунги учрашувни бошқариш вазифаси навоийлик Зокир Қодировга юклатилган. Жорий мавсумда 13 та учрашувни бошқарган Қодиров “Андижон”нинг битта, “Сўғдиёна”нинг учта ўйинида бош ҳакамлик қилган. Зокир Қодировга қанотларда Руслан Самандаров ва Расул Фозиловлар ёрдам бериб боришади.

Учрашув “Спорт” телеканали орқали жонли эфирда намойиш этилади
“Андижон” – “Сўғдиёна” жамоалари ўртасидаги баҳс соат 18:00дан эътиборан Ўзбекистон миллий телерадиокомпаниясининг “Спорт” телеканали орқали эфирга узатилади. Учрашувни спорт шарҳловчиси Хайрулла Ҳамидов шарҳлаб боради.

Андижон

Суперлига. 19-тур 13/09/2019, 18:00 0 : 0 Тугади

Сўғдиёна

45'

90'

30'  Фарҳод Бекмуродов

61'  Фарҳод Бекмуродов (Шаҳзод Убайдуллаев)

71'  Сардор Азимов (Қаҳрамон Баҳодиров)

82'  Фарҳод Мираҳматов

86'  Рўзимбой Аҳмедов (Абдуллоҳ Олимов)

46'  Иван Нагаев (Нуриддин Ҳасанов)

63'  Шаҳбоз Жўрабеков

65'  Жасур Ҳасанов О (Муҳаммаданас Ҳасанов)

90'  Жамшид Болтабоев (Санжар Рашидов)

Матч-центрда очиш