“Андижон” раҳбариятида ўзгариш юз берди

Бунгача клуб раиси сифатида ишлаган Шуҳратбек Ўринбоев ўз аризасига биноан жамоа билан хайрлашди.

Андижон вилояти футбол федерацияси вице-президенти лавозимида фаолият юритиб келган Бекзод Каримов эса эндиликда “Андижон”да клуб директори сифатида иш олиб борадиган бўлди.

Маълумот учун 1987 йил Андижон шаҳрида таваллуд топган Бекзод Каримов вилоят футболи тарбияланувчиси саналади. Ўз вақтида “Шахрихон”, “Пахтакор” (ёшлар), “Бухоро”, “Андижон” жамоаларида ўйнаган Каримов жиддий жарохатлар туфайли кейинчалик бутсаларини михга илишга қарор қилганди. Эндиликда клубда раҳбар сифатида фаолият бошлаган Бекзод Каримовга янги ишида омад тилаб қоламиз.