"Андижон" олий лигада қолди, эндиги мураббий Юрий Саркисян!?
27 окт 2015 13:29
Янгиликлар

"Андижон" олий лигада қолди, эндиги мураббий Юрий Саркисян!?

Ўз майдонида "Сўғдиёна"ни мағлубиятга учратган "Андижон", "Бухоро"ни "Навбаҳор"га ютқазганидан сўнг олий лигадаги ўз ўрнини сақлаб қолди.

27-тур якунларига кўра очколар "Андижон"да 27, "Бухоро"да эса 17тани ташкил этяпти. Табиийки 3та қолган ўйинда 10 очколик фарқни йўққа чиқаришнинг имкони йўқ.

Жорий мавсум олий лигани битта жамоа тарк этади. 15 ўрин эгаси биринчи лиганинг иккинчи жамоаси билан бетараф майдонда баҳс олиб боради. Биринчи лиганинг дастлабки иккита ўринида, Тошкентнинг иккита жамоаси жой эгаллаганлар. Бир мавсумда Тошкентдан ҳеч қанақасига олий лигада бешта жамоа иштирок этмайди. Олий лигада 15 ўринни ким олишидан қатъий назар олий лигада ўз ўрнини сақлаб қолади.

Бунга биринчи ва олий лига ўртасидаги фарқдан ташқари, биринчи лигани олий лигадан 20 кун аввал ниҳоясига етиши ҳам катта сабаб бўлади. Плей офф учрашуви қачон ва қайси стадионда бўлиб ўтиши номаълум.

"Андижон"ни олий лигада қолишига энг катта улушни Сергей Ковшов қўшди. Гесс ва Тюлькин томонидан атайин қўйилган хатоларни бир аммаллаб тузатишга муваффақ бўлган мураббий клубни кучлилар орасида олиб қолди.

Биз олган энг сўнгги маълумотларга кўра "Андижон"ни 2016 йилги мавсумда Юрий Саркисян бошқаради ва бу борада томонлар оғзаки келишувга эришганлар.

Ҳавола :

Манба : championat.asia

Янгиликларни Телеграмда ўқинг!

Рейтинг: +15