«Андижон» назорат учрашувида ғалаба қозонди

Бу сафарги спарринг-рақиб «Бунёдкор» ёшлар жамоаси бўлди.

Ўйиннинг биринчи бўлимидаёқ Орифхўжа Абдухолиқов билан Алишер Абдувоҳидов ўз ҳисобига гол ёздириб қўйган холда, танаффусга «Андижон»ни ғалаба билан чиқиб кетишини таъминлади. Ёш «қалдирғочлар иккинчи таймда бунга битта гол билан жавоб қайтарди холос.

Шу тариқа «Андижон» пойтахтдаги навбатдаги ўртоқлик учрашувида ғалаба қозонди.

Назорат учрашуви.
03/02/2018 йил
«Бунёдкор» (ёшлар) - «Андижон» 1:2.
«Андижон»: Алибек Туробов, Ислом Иномов, Сирож Ҳамроев, Артур Маматказин, Маъруф Зокиржонов, Усмонали Исмоналиев, Жаҳонгир Маҳсудов, Маъруф Муродов, Суннат Абдуллажонов, Алишер Абдувоҳидов, Орифхўжа Абдухолиқов.
Захира: Жавоҳир Қиличев, Хусан Олимжонов, Муҳиддин Худоёров, Миршоҳид Олимов, Бахтиёр Қосимов, Иброҳим Отахонов, Мақсуд Маҳмудов, Дилмурод Маҳмудов, Сирож Мелиев.

«Андижон» таркибига эътибор қаратсангиз, Алибек Туробовни кўриш мумкин. Ўтган йили Ғузорнинг «Шўртан» жамоаси шарафини ҳимоя қилган иқтидорли дарвозабон айни дамда андижонликлар билан бирга.

Шунингдек ундан ташқари, «Машъал» билан хайрлашган ҳужумчи Кенжа Тўраев ҳам куни-кеча «бургутлар»нинг машғулотларига қўшилди.