“Andijon” futbol klubi uchun yangi tashkil etilgan mashg'ulotlar bazasi bugun foydalanishga topshirildi. 32 milliard so'mlik loyiha asosida barpo etilgan ushbu maskan Xo'jaobod tumanida joylashgan. Ochilish marosimida viloyat rahbari - Andijon futbol assotsiatsiyasi prezidenti Shuhratbek Abdurahmonov, o'zbek futboli afsonasi Birodar Abdurayimov, sport sharhlovchilari Davron Fayziev, Hayrulla Hamidov, “Andijon” jamoasi a'zolari va murabbiylar shtabi, shuningdek, boshqa ko'plab fahriy mehmonlar ishtirok etdilar.
