Швеция миллий термаси бош мураббийи Янн Андерссоннинг айтишига кўра, у Златан билан бу борада гаплашишга тайёр.
"Миллий термада фаолиятини якунлаган футболчиларни қайтаришга тайёрман. Агарда Златан термада ўйнашни истаса, менга қўнғироқ қилсин. Футболчини термага чақиришдан осони йўқ", - деди мураббий.
Ибрагимович 2016 йилнинг ёзида термадаги фаолиятини якунлаганди. У миллий жамоа таркибида 116 ўйинда 62 гол урган.
