Ана холос! Германияда 2016 йилдан бери ўлган деб ҳисобланган футболчи тирик ҳолда топилди

2016 йилда автоҳалокат туфайли ўлган деб топилган 33 ёшли Камба Гельзенкирхенда яшайди. Футболчининг собиқ хотини унинг "ўлими" ортидан бир неча юз минг евро миқдорида суғурта пули олган. Прокуратура ишни ўрганмоқда. Камба ва унинг собиқ хотини суғурта борасидаги фирибгарликда гумон қилинмоқда.

Камба "Шальке-04" тарбияланувчиси ҳисобланади, у Гельзенкирхен клубининг ёшлар жамоасида ўйнаган. Ҳимоячи асосий таркибда ўйнай олмаган, шу сабаб 2008-2015 йиллар давомида Германиянинг қуйи дивизиондаги клублар шарафини ҳимоя қилган.