Алишер Одилов: "Машғулотлардан кейин "Тривела" услубида алоҳида шуғулланамиз"
18 май 2025 23:07
Янгиликлар

Алишер Одилов: "Машғулотлардан кейин "Тривела" услубида алоҳида шуғулланамиз"

Суперлиганинг 10-туридан ўрин олган "Бунёдкор" – "Навбаҳор" (2:3) ўйинидан кейин меҳмонлар ҳужумчиси Алишер Одилов ўз фикрини билдирди.

"Ўйин юқори темпда ўтди. "Бунёдкор" жанг таклиф қилишини билардик. Рақиб қарши ҳужумларига тайёр эдик ва ўйлаган натижамизга эришдик.

Олдинда "Насаф" ва ОКМКга қарши муҳим ўйинлар бор, биз бунга тайёрмиз.

Хатоларимиз ҳам бор, бу ҳамма жамоада учрайди. Жамоа 90 фоиз янгиланган, вақт ўтган сари аста-секин хатолар устида ишлаяпмиз.

Легионерлар билан майдонда анча тил топишиб қолдик. Мавсум бошида бу борада бироз қийинчиликлар бор эди. 5-6 турдан сўнг бир-биримизни анча тушунадиган бўлдик.

"Тривела" услубида машғулотлардан кейин Жиянов билан ишлаймиз. "Барселона"да Ямалнинг шундай пасларидан илҳомланиб, биз ҳам ўйинларимизга жорий қилишга ҳаракат қиляпмиз", — деди 23 ёшли футболчи.

Ҳавола :

Манба : championat.asia

Янгиликларни Телеграмда ўқинг!

Рейтинг: +3