Алексис “МЮ” билан АҚШ турнесига учмади
17 июл 2018 01:42
Янгиликлар

Алексис “МЮ” билан АҚШ турнесига учмади

“Манчестер Юнайтед” ҳужумчиси Алексис Санчес ўз жамоаси билан АҚШда бошланадиган мавсумлар оралиғидаги турнега бормади.

Бунга виза билан боғлиқ муаммо сабаб бўлгани айтилмоқда. Шу йилнинг февраль ойида Испания суди чилилик футболчини солиқ тўламаганликда айблаб, шартли равишда 16 ойлик қамоқ жазосига маҳкум қилганди.

АҚШ ҳукумати айнан солиқ билан боғлиқ масалаларда айбланган хорижликларга виза бермайди. Айни пайтда Санчеснинг юристлари бу муаммони бартараф этиш йўлида иш олиб боришяпти.

Маълумот учун, “Манчестер Юнайтед” АҚШ турнесидан ўрин олган илк ўртоқлик учрашувини 20 июль куни Мексиканинг “Америка” клубига қарши ўтказади.