Алексей Евстафеев: "Бухоро"га қарши ўйиндан кейин бироз эйфорияга берилдик"
12 июн 22:15
Янгиликлар

Алексей Евстафеев: "Бухоро"га қарши ўйиндан кейин бироз эйфорияга берилдик"

Про лига 12-туридан ўрин олган "Дўстлик" – "Хоразм" (1:3) учрашувидан сўнг мезбонлар бош мураббийи Алексей Евстафеев матбуот анжуманида қатнашди

– Учрашув ҳақида

– Ўйин бизнинг фойдамизга бўлмади. Ҳисоб буни кўрсатиб турибди. Менимча, йигитлар ўйинга руҳан керагича тайёрлана олишмади. Катта эҳтимол билан, "Бухоро"га қарши ўйиндан кейин бироз эйфорияга берилдик. Бошқа нима ҳам дея оламан. Хатоларни албатта кўриб чиқамиз.

– Рақиб сиздан кучлироқмиди ёки қайсидир вазиятларда уларга омад кулиб боқдими?

– Рақиб ўзининг барча вазиятларидан фойдаланди. Бизда эса деярли имкониятлар бўлмади. Шунинг учун улар ғалаба қозонишди. Рақибни табрикламоқчиман. Уларга омад тилайман.

– Дарвоза чизиғида муаммолар бордек. Жамоага янги дарвозабонни жалб қилиш ҳақида ўйлаб кўрдингизми?

– Дарвозабон бўйича бизда муаммо йўқ. Дарвозабон совға қилмади. Жамоа мағлуб бўлди. Тўғри, хатолар бордир. Лекин мен дарвоза чизиғимизда муаммо бор деб ўйламайман.

Ҳавола :

Манба : championat.asia

Янгиликларни Телеграмда ўқинг!

Рейтинг: +1