UZ

Сўнгги янгиликлар

14:41Расман: Нкунку "Челси"дан "Милан"га ўтди  0 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  1 12:45Ўзбекистон терма жамоаси октябрь ойида Малайзияда Уругвай билан ўйнайди   5 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  5 12:13"Барселона" ва яна учта клуб "Интер" футболчисига даъвогарлик қилмоқда  1 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5 10:15"Ньюкасл" "Реал" футболчисига 100 миллион евро таклиф қилди  3 09:43Испания терма жамоасининг бўлажак ўйинлар учун таркиби маълум  6 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  11 08:20Антонининг "Бетис"га трансфери барбод бўлди  7

Александр Хомяков: "Олти очколик ўйин эди. Суперлигада ғалаба қозона олмаётганимиз мени ташвишга солмоқда" Янгиликлар

Александр Хомяков: "Олти очколик ўйин эди. Суперлигада ғалаба қозона олмаётганимиз мени ташвишга солмоқда"

Суперлига 21-тур доирасидаги "Металлург" — "Андижон" ўйинидан сўнг меҳмонлар бош мураббийи Александр Хомяков матбуот анжуманида иштирок этди.

- Олти очколик ўйин эди. Ҳозир бизга ҳар очко жуда зарур, рақиб ҳам ҳудди шундай ҳолатда. Ўйин воқеаларга бой бўлди дея олмайман. Менинг фикримча, икки жамоа ҳам бугун ғалабага лойиқ ўйин кўрсатмади. Жамоамнинг ўйини ҳақида гапирадиган бўлсам, бугун бундай ўйин намойиш етишни режа қилмагандик. Узоқ вақт давомида чуқур ҳимояланишга мажбур бўлдик. Қарши ҳужумларимиз эса хавфли бўлмади. Афсуски, яна бир бор чемпионат баҳсларида ғалаба қозона олмадик, бироқ ҳозирги ҳолатимиздан келиб чиқиб, шуни айта оламанки, ҳозир бизга ҳар бир очко жуда қадрли.


- Кубокдаги тарихий ғалабадан сўнг футболчиларни бугунги баҳсга руҳий томонлама тайёрлаш қанчалик қийин бўлди?

- Йигитлар чемпионатдаги аҳволимизни кўриб туришибди. Улар барчасини тушунишмоқда. Бу ҳақда ўйлагандим, аммо барчаси яхши ўтди. Футболчиларимдан миннатдорман, бугун улар курашишди, лекин бу бизга очко олиб келмади.

- Жамоангиз қуйи поғонларда бораётгани сизни ҳавотирга солмаяптими?

- Ғалаба қозона олмаётганимиз мени ташвифга солмоқда. Бундай мухлисларга эга жамоа кўпроқ ғалаба қозониши керак. Кубокдаги ғалаба бизнинг кайфиятимизга яхши таъсир ўтказиши керак эди. Афсуски, ҳозир етарлича яхши ўйин намойиш эта олмаяпмиз, айрим бир вазиятларда эса омад етишмаяпти.

- Олдинда яна бешта учрашув бор. Нечта очко жамоани "ўтиш ўйинидан" сақлаб қола олади деб ўйлайсиз?

- Футболчилар билан гаплашиб олгандик. Биз ҳар бир учрашувда майдонга тушиб, максимал имкониятларимизни намойиш этишимиз керак. Неча очко тўплашимизнинг фарқи йўқ. 

- Кубокдаги ғалабадан сўнг ваъда қилинган соврин пуллари футболчиларга берилдими?

- Албатта. Ҳомийимизга раҳмат, вилоят ҳокимига ҳам миннатдорчилик билдираман. Уларнинг қўллаб-қувватлаши бизга ёрдам бермоқда.



Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика