Аввалроқ каталонияликларнинг яна бир ҳимоячиси Жерар Пике ҳам худди шундай иш қилганди, у ҳам "Барса"га янги келганларни рўйхатдан ўтказиш учун маошини қисқартиришга рози бўлганди. Ярим ҳимоячи Серхи Робертонинг айтишича, бошқа жамоа сардорлари ҳам шу йўлга амал қилишади.
Эслатиб ўтамиз, футболчиларнинг ойлик маоши юқорилиги сабабли "кўк-анорранглилар" янги футболчилар билан шартнома имзолай олмайди. Клуб маош миқдорини пасайтириш учун ҳимоячи Самуэль Юмтити ва ярим ҳимоячи Миралем Пьянич билан хайрлашмоқчи.
