UZ

Сўнгги янгиликлар

00:55Фримпонг жароҳати қанчалик жиддий экани маълум бўлди  0 00:51Эдем Неманов: "Медаллар учун курашамиз ва барчаси ўзимизга боғлиқ"  0 00:50Владимир Бубанья: "Насиб бўлса, ўтиш ўйинларида иштирок этмаймиз"  0 00:39Вадим Абрамов: "Самарқанд ЖЧга мезбонлик қиладиган стадионга эга бўлиши керак. Чемпионлик учун курашмаётганимизга ўзимиз айбдормиз"  0 23:55Шерзод Жўраев: "Насаф"дек жамоага қарши футболчиларни алоҳида руҳлантириш шарт эмас"  0 23:30Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган  15 23:11Расман: Лучано Спалетти "Ювентус" бош мураббийи этиб тайинланди  3 23:05Суперлига. "Навбаҳор" – "Насаф" 0:0  5 22:59Рўзиқул Бердиев ОКМК билан ўйиндан кейинги матбуот анжуманида айтган гаплари бўйича изоҳ берди (тўлиқ матбуот анжумани)  18 22:31Пирс Морган Криштиану Роналдунинг ҳаётидаги "энг очиқ" интервьюни эълон қилди. Суҳбат кейинги ҳафта премьера қилинади  3 22:02Ҳаким Фузайлов: "Жамоам 70 дақиқа футбол ўйнаяпти. Балки ўрнимга бошқа мураббий мавсумни тугатиб қўйгани маъқулдир"  5 21:39Лисандро оғир жароҳатидан сўнг МЮ машғулотларига қайтди  0 20:50Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"  2 20:35Суперлига. "Насаф" "Навбаҳор" майдонида очко йўқотди  202 20:27Суперлига. "Динамо" "Хоразм"ни ишончли тарзда мағлуб этди  11

"Алай" бош мураббийи: "Элдор Шомуродов — топ-даражадаги футболчи" Янгиликлар

"Алай" бош мураббийи: "Элдор Шомуродов — топ-даражадаги футболчи"

Хабарингиз бор, айни кунларда Фарғона шаҳрида "Ҳоким кубоги-2022" мусобақаси давом этмоқда.

Сайтимиз мухбири мазкур мусобақа доирасидаги "Алай" - "Навбаҳор-2" (2:1) учрашувидан сўнг қирғизистонликлар бош мураббийи Мирлан Эшенов билан интервью ташкиллаштирди.

- "Ҳоким кубоги" мусобақаси ҳақида фикрингиз қандай?

- Ушбу мусобақада бош мураббий сифатида илк бор иштирок этмоқдаман. "Ҳоким кубоги" мусобақасига таклиф олганимиздан хурсандмиз. Айни кунларда Фарғонада футбол ўйнайдиган об-ҳаво бўлмоқда. Биласизми, ташкилотчилар бизни даражаси юқори бўлган жамоалар билан бир гуруҳда ўйнашга имконият яратиб беришди. Гуруҳимиздаги рақиблар кучли жамоалардан иборат эканлиги бизга тажриба тўплаш имкониятини яратяпти. "Андижон-1", "Навбаҳор-2" ва "Қўқон-1912" жамоалари билан бир гуруҳда ўйнадик. "Ҳоким кубоги" мусобақаси юқори савияда ташкил этилмоқда. Имкон бўлса, узоқ демасдан ҳар йили келиб, ушбу мусобақада қатнашган бўлардик.

- Жамоангиз сафида ўзбекистонлик футболчилар борлигини кўрдик. Уларнинг ўйинлари ҳақида қандай фикрларни айта оласиз?

- Ҳа, биз мазкур мусобақада бир нечта ўзбекистонлик футболчиларни кўрикдан ўтказяпмиз. Тан олиш керак, ўзбек футболчиларининг даражаси юқори бўлади. Уларда ўйин ва натижага жавобгарлик ҳисси бор, сифатли футбол намойиш этиб беришади. Менга ўзбекистонлик футболчилар билан ишлаш ёқади.

-  Жамоангизнинг ўртача ёши ҳақида маълумот бера оласизми?

- Ҳозирда жамоамизнинг ўртача ёши 23-24 ёшни ташкил этмоқда.

- "Алай" ўтган мавсумда Қирғизистон чемпионатида қандай натижа қайд этган?

- "Алай" жамоамиз Қирғизистон чемпионатининг олий лигасида ўйнайди. Биз ўтган мавсумда чемпионатни 4-ўрин билан якунладик. Жорий мавсумда жамоамиз олдига чемпионлик вазифаси қўйилган.

- Ўзбек футболи ва Қирғизистон чемпионати ўртасида қандай фарқни сездингиз?

- Ҳа, ўйинлар давомида кўриб, хулоса қилишга имконим бўлди. Ўзбекистонда кўпроқ техникага таянган ҳолда футбол ўйналар экан. Ҳимоя чизиғида кўпроқ бўйдор ва гавдали футболчилар ҳаракат қилишларига гувоҳ бўлдим. Гуруҳдаги рақибларимиз кўпроқ тўп назоратига урғу берган холда ўйин ташкил этишди. Бизда ҳам футбол деярли шундай, фақат озроқ фарқли томонлари бор.

- Қайси машҳур ўзбек футболчилари ҳақида биласиз?

- Мен кўп бора Миржалол Қосимов ҳақида эшитганман, у киши ўзбек футболининг ёрқин вакилларидан бири. Тошкентдаги мусобақада иштирок этганимизда, кўп жойда Миржалол аканинг суратлари акс этган баннерларни кўрдим. Яна айтадиган бўлсам, Сервер Жепаров, Олимпия терма жамоаси бош мураббийи Тимур Кападзе ҳақида биламан. Бундан ташқари, ҳозирги кунда Италиянинг "Рома" клубида ўйнаётган Элдор Шомуродовни кўрсатишим мумкин. Шомуродов Европанинг кучли чемпионатида ўйнаётган топ-даражадаги футболчи.

Бекзод Толибов ёзиб олди

Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика