Алаба "Бавария"дан кетишга яқин

"Бавария" ҳимоячиси Давид Алаба ушбу трансфер ойнасида клубини ўзгартириши мумкин. 

28 ёшли австриялик ва Мюнхен клуби ҳали янги шартнома борасида келиша олишмади. Алаба ва "Бавария" ўртасидаги амалдаги келишув 2021 йилнинг ёзига қадар мўлжалланган.

Хабар қилинишича, футболчи йилига 20 миллион евродан кўпроқ пул олишни хоҳламоқда.

Агар "Бавария" яхшиланган таклиф билан чиқмаса, у ҳолда Алаба бошқа клубга кетади, шунда мюнхенликлар ҳам пул ишлаб олишлари мумкин бўлади.

Эслатиб ўтамиз, Алаба Мюнхеннинг "Бавария" жамоасида 2009 йилдан бери ўйнаб келмоқда.