"Ал Қувайт" ёки "Ал Шорта". "Локомотив"га қайси жамоа рақиб бўлади?
02 фев 2014 10:41
Янгиликлар
"Ал Қувайт" ёки "Ал Шорта". "Локомотив"га қайси жамоа рақиб бўлади?
Бугун ОФК чемпионлар лигаси плей-офф биринчи босқчи ўйинлари бўлиб ўтади.
Қувайтдаги "Ал Қувайт" - "Ал Шорта" учрашуви (ўйин 2 февраль куни Тошкент вақти билан соат 21:30да бошланади) ўзбекистонлик футбол мухлислари томонидан қизиқиш билан кузатиб борилиши шубҳасиз. Сабаби ушбу ўйин ғолиби 8 февраль куни Тошкентда "Локомотив" билан беллашади.
"Темирйўлчилар"га қайси рақиб тўқнаш келади? Бу борада ўз уйида ўйнайдиган "Ал Қувайт"нинг имконияти бироз баландроқ.
Ўтган йил сўнгги 5 йилда тўрт бор ОФК кубоги финалига чиқиб уч бор унда ғолиб чиққан "Ал Қувайт" 2011 йилги финалда Қаршида "Насаф"га мағлуб бўлиб кетгани кўпчиликни ёдида бўлса керак.
1960 йилда ташкил топган клуб ўтган мавсумда Қувайт чемпиони бўлган, ундан олдинги икки йилда чемпионатни иккинчи ўринда тугатган. Умумий қилиб олганда "Ал Қувайт" ҳисобида 11та чемпионлик, 9та Қувайт Амири кубоги, 5та Қувайт Шаҳзодаси кубоги, 3та Қувайт Федерацияси кубоги ва 1та Қувайт суперкубоги мавжуд.
Руминиялик мураббий Марин Ион бошқараётган жамоа Осиё чемпионлар лигаси гуруҳ босқичида уч марта (2005, 2007 ва 2008 йиллар) иштирок этган. Учала ҳолатда ҳам жамоа кейинги босқичга чиқа олмаган.
"Ал Қувайт"даги легионерлар: Иссам Жемаа ва Шоди Ҳаммами (иккиси Тунис), Ҳуссаин Али Баба (Баҳрайн), Жавод Некунам (Эрон), Рожериньо (Бразилия).
Ироқда икки марта чемпион бўлган "Ал Шорта" ўтган мавсум 15 йиллик танаффусдан сўнг яна мамлакатда тенгсиз бўлди ва учинчи бор чемпионликка эришди. Клуб 1982 йилда Араб чемпионлар лигасида ғолиб чиққан.
Боғдод жамоаси 1932 йилда ташкил топган, ўз ўйинларини "Ал Шорта" стадионида ўтказиб келади. Клуб хўжайини ироқлик Аяд Бинян ҳисобланади.
Бразилиялик Лоривал Сантос мураббийлик қилаётган "Шорта" Осиё чемпионлар лигасида икки бор (2004 ва 2005 йил) иштирок этган. Худди "Ал Қувайт" сингари гуруҳ босқичи бу жамоа учун ҳам сўнгги бекат бўлиб қолган.
"Ал Шорта"даги легионерлар: Пол Кулибали (Буркина Фасо), Инносент Авоа (Камерун), Кристиано (Бразилия), Ҳамда Ал Масри (Сурия).
Имкониятлар: "Ал Қувайт" фойдасига 70:30.
Сизнингча қайси клуб "Локомотив"га рақиблик қилади? Фикрларингизни ёзиб қолдиринг.
Нарзулла Сайдуллаев.
"Темирйўлчилар"га қайси рақиб тўқнаш келади? Бу борада ўз уйида ўйнайдиган "Ал Қувайт"нинг имконияти бироз баландроқ.
Ўтган йил сўнгги 5 йилда тўрт бор ОФК кубоги финалига чиқиб уч бор унда ғолиб чиққан "Ал Қувайт" 2011 йилги финалда Қаршида "Насаф"га мағлуб бўлиб кетгани кўпчиликни ёдида бўлса керак.
1960 йилда ташкил топган клуб ўтган мавсумда Қувайт чемпиони бўлган, ундан олдинги икки йилда чемпионатни иккинчи ўринда тугатган. Умумий қилиб олганда "Ал Қувайт" ҳисобида 11та чемпионлик, 9та Қувайт Амири кубоги, 5та Қувайт Шаҳзодаси кубоги, 3та Қувайт Федерацияси кубоги ва 1та Қувайт суперкубоги мавжуд.
Руминиялик мураббий Марин Ион бошқараётган жамоа Осиё чемпионлар лигаси гуруҳ босқичида уч марта (2005, 2007 ва 2008 йиллар) иштирок этган. Учала ҳолатда ҳам жамоа кейинги босқичга чиқа олмаган.
"Ал Қувайт"даги легионерлар: Иссам Жемаа ва Шоди Ҳаммами (иккиси Тунис), Ҳуссаин Али Баба (Баҳрайн), Жавод Некунам (Эрон), Рожериньо (Бразилия).
Ироқда икки марта чемпион бўлган "Ал Шорта" ўтган мавсум 15 йиллик танаффусдан сўнг яна мамлакатда тенгсиз бўлди ва учинчи бор чемпионликка эришди. Клуб 1982 йилда Араб чемпионлар лигасида ғолиб чиққан.
Боғдод жамоаси 1932 йилда ташкил топган, ўз ўйинларини "Ал Шорта" стадионида ўтказиб келади. Клуб хўжайини ироқлик Аяд Бинян ҳисобланади.
Бразилиялик Лоривал Сантос мураббийлик қилаётган "Шорта" Осиё чемпионлар лигасида икки бор (2004 ва 2005 йил) иштирок этган. Худди "Ал Қувайт" сингари гуруҳ босқичи бу жамоа учун ҳам сўнгги бекат бўлиб қолган.
"Ал Шорта"даги легионерлар: Пол Кулибали (Буркина Фасо), Инносент Авоа (Камерун), Кристиано (Бразилия), Ҳамда Ал Масри (Сурия).
Имкониятлар: "Ал Қувайт" фойдасига 70:30.
Сизнингча қайси клуб "Локомотив"га рақиблик қилади? Фикрларингизни ёзиб қолдиринг.
Нарзулла Сайдуллаев.
championat.asia
Лига 1. "Ланс" меҳмонда ПСЖга минимал ҳисобда мағлуб бўлди, Ҳусанов 60-дақиқада қизил карточка олди
Ўзбекистон МТЖнинг ноябрь ойидаги йиғин учун тахминий таркиби
МЛС Кубоги. "Интер Майами" "Атланта Юнайтед"га ютқазиб қўйди 
Ла Лига. "Барселона" "Эспаньол" билан ўйин тақдирини биринчи таймдаёқ ҳал қилди
Фикрлар