"Ал-Гарафа" – АГМК ўйини олдидан Рўзиқул Бердиев нима дейди?
07 апр 2021 14:20
Янгиликлар

"Ал-Гарафа" – АГМК ўйини олдидан Рўзиқул Бердиев нима дейди?

Хабарингиз бор, бугун Осиё чемпионлар лигаси плей-офф босқичи доирасидаги "Ал Гарафа" - АГМК учрашуви бўлиб ўтади.

Қатар пойтахти Доха шаҳридаги "Суҳаим Бин Ҳамад" стадионида кечадиган бўлажак баҳс кўпчиликнинг диққат марказида турибди. Айниқса Қаршнинг “Насаф” жамоаси учун АГМКнинг бугун қандай натижа қайд этиши қизиқтирмоқда. Шуни инобатга олиб, “аждарлар” устози Рўзиқул Бердиев билан боғландик.

- Албатта, бугун қизиқарли ўйин гувоҳи бўламиз. “Ал-Гарафа” жамоаси ҳақида кўп ҳам маълумотга эга эмасман. Охирги вақтларда деярли ўйинларини кузатмаганим учун рақиб ҳақида тайинли бир фикр билдириш қийин. Шу боис ҳар икки жамоанинг ҳам ғалабага бўлган имкониятини 50га50 баҳолаган бўлардим. АГМКда ўйинга тайёргарлик нисбатан яхши бўлди дейиш мумкин. Вакилларимизга бугунги учрашув олдидан омад тилайман. Улардан табиийки ғалаба кутиб қоламиз", - дейди Рўзиқул Бердиев championat.asia сайтига.

Эслатиб ўтамиз, агар бугун АГМК ғалаба қозонса Рўзиқул Бердиев бошчилигидаги "Насаф" клуби ОФК гуруҳ босқичида иштирок этади.

Ҳавола :

Манба : championat.asia

Янгиликларни Телеграмда ўқинг!

Рейтинг: +27