Акром Комилов: "Жиззахда ғалаба қозониш биз учун жуда муҳим"
10 мар 2016 09:01
Янгиликлар

Акром Комилов: "Жиззахда ғалаба қозониш биз учун жуда муҳим"

"Бунёдкор" клуби ҳимоячиси Акром Комилов "Сўғдиёна"га қарши ўйиндан олдин ўз фикрларини билдирди.

"Сўғдиёна" билан ўйинга жамоа билан бирга қаттиқ тайёргарлик кўраяпмиз. Сабаби илк турда Жиззах клуби мағлуб бўлди ва ўз майдонида, мухлислари қаршисида ғалаба учун ҳаракат қилади. Бизнинг мақсадимиз ОЧЛ доирасидаги ўйиндан олдин ғалаба қозониш. Ғалаба йигитларнинг руҳиятини кўтаришга ёрдам беради.

Ўйин куни бор кучимиз билан ҳаракат қилиб 3 очкони қўлга киритишга уринамиз. Ҳар бир хато бизга қимматга тушиши мумкин. Насиб қилса Жиззахдаги ўйиндан кейин яхши кайфият билан ОЧЛ учрашувига тайёргарлик кўрамиз", - дейди Акром Комилов.

Эслатиб ўтамиз, "Сўғдиёна" - "Бунёдкор" учрашуви 11 март куни соат 17:00да Жиззахдаги "Сўғдиёна" стадионида бўлиб ўтади.

"Бунёдкор" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +2