Акмал Шораҳмедов: “Кейинги ўйинларда “Пахтакор” юқори ўринларга бемалол кўтарилиб кетади”
23 май 2017 12:03
Янгиликлар

Акмал Шораҳмедов: “Кейинги ўйинларда “Пахтакор” юқори ўринларга бемалол кўтарилиб кетади”

Кеча Ўзбекистон кубоги 1/8 финал босқичи дастлабки учрашувлар бўлиб ўтди. Ушбу босқичда Тошкентнинг “Пахтакор” клуби ўз уйида Қаршининг “Насаф” жамоасини қабул қилди ва йирик (0:3) ҳисобида имкониятни бой берди.

Ушбу баҳсдан сўнг “Насаф” клуби футболчиси Акмал Шораҳмедов ўйин ҳақида ўз фикрларини билдирди

“Кубок ўйини бўлгани учун аввало ўз дарвозамиздан гол ўтказмасликни мақсад қилгандик. “Пахтакор”нинг ҳозирги ҳолатидан келиб чиқиб айтадиган бўлсам, “шерлар”ни бемалол мағлубиятга учратса бўларди. Уйимиздаги жавоб учрашувида бизга осонроқ бўлиши учун сафарда гол уришимиз керак эди, буни амалда бажардик. Кейинги ўйинларда “Пахтакор” юқорироқ ўринларга бемалол кўтарилиб кетиши мумкин. Ҳар бир жамоа сафарда ўйнаса фақат ғалаба қозонишга ҳаракат қилади. Биз ҳам ғалаба қозониш учун бор кучимиз билан ўйнадик. “Пахтакор” бутун жамоа бўлиб олдинга ўтиб кетишгани учун қарши ҳужумда гол уриб кетдик”, - дейди “Насаф” клуби футболчиси Акмал Шораҳмедов