UZ

Сўнгги янгиликлар

09:52“Арсенал“ “Челси“ футболчисини 60 миллион еврога сотиб олади (Романо)  2 09:23Россиялик ҳужумчи иккинчи даврани Ўзбекистонда ўтказиши мумкин  5 08:55Here we go! “Реал“ яна бир футболчи билан келишувга эришди  8 08:26“Насаф“нинг яна бир етакчиси легионерга айланиши мумкин  5 07:57“Пахтакор“ ҳужумчиси иккинчи даврани “Динамо“да ўтказади  2 07:34Элдор Шомуродов хайрлашув хатини ёзди  10 01:34"Тоттенхэм" ўз тарихидаги энг қиммат трансферни амалга оширишга яқин  1 01:08Расман: Элдор Шомуродов - "Истанбул Башакшеҳир" футболчиси!  14 00:59Тео Эрнандес: "Милан" мен учун энг асосийси эди, сўнгги пайтдаги чиқарилган қарорлар мени шу ерга етаклади"  5 00:25"Атлетик" футболчиси Альварес футболдан четлатилди  1 23:53Скотт Мактомини: "Неаполдаги ҳаёт умуман бошқача"  3 23:25Қирғиз Республикаси термаси собиқ бош мураббийи "Алга"ни бошқаради  0 22:42А Серия учрашуви Австралияда ўтказилиши мумкин  0 22:16"Милан" ва "Вулверхэмптон" Олимпиадада Ўзбекистонга гол урган футболчига қизиқмоқда  6 21:50Чиро Иммобиле "Болонья"га ўтди  0

Аҳмаджон Мусаев: "Хорватияга қарши ўйинда ғалаба учун ўйнаймиз" Янгиликлар

Аҳмаджон Мусаев: "Хорватияга қарши ўйинда ғалаба учун ўйнаймиз"

Ўзбекистон ва Хорватия терма жамоалари учрашувидан олдинги матбуот анжумани "Отатурк" стадиони анжуманлар залида ўтказилди.
Унинг иккинчи қисмида Ўзбекистон ёшлар терма жамоаси устози Аҳмаджон Мусаев иштирок этди.

“Ўзбекистон Хорватия билан биринчи марта тўқнаш келяпти. Бу жуда яхши. Осиё футболи ривожланиб боряпти. Европа терма жамоасига қарши жаҳон чемпионатида майдонга тушишимиздан хурсандман”, - дейди Аҳмаджон Мусаев.

- Хорватия биринчи ўйинда қўпол ҳаракат қилди. Бу бизга муаммо туғдирмайдими?

- Уларни қўпол ўйнади деб айтмаган бўлардим. Улар Уругвайни дастлабки дақиқалардан прессингга олишди. Хорватлар биринчи дақиқадаёқ қўполлик ишлатиб, сариқ карточка олишди. Шундан хорватларнинг баҳсга жиддий тайёргарлик кўргани сезилиб турганди. Уругвай яхши жамоа, лекин Хорватиянинг бундай курашга киришиши уларни чалғитиб қўйди.

- Искандеров биринчи ўйинда тўпни кўпроқ ўзида сақлаб қолди. Бу борада унга кўрсатма берилдими?

- Ўша ўйин вақтида ҳаво жуда иссиқ эди. Шу сабабли тўпни кўпроқ ушлаш зарар қилмайди. Лекин Жамшид тўпни ўзида ушлаб турганда бундан хавотирга тушмасаям бўлади. У рақибни алдаб ўтиши мумкин.

- Жамоанинг жангчилик характери қандай? Эртанги ғалаба бизни гуруҳдан олиб чиқиши мумкин.

- Йигитлар ҳамиша курашишга шай ҳолатда. Улар ҳеч кимдан чўчишмайди. Футболчиларни шунга ўргатиб келаман. Ўйин бошланишида ҳисоб 0:0 бўлади. Демак, 90 дақиқа ким яхшироқ ҳаракат қилса, ўша жамоа ғалаба қозонади.

- Хорватия билан ўйинда асосий эътибор ҳужумга қаратиладими? Биз одатда биринчи жамоа ролида яхшироқ ўйнаяпмиз.

- Нимчорак финалга бизни эртанги дуранг ҳам олиб чиқиши мумкин. Лекин биз тўпни сақлаб турсак, ҳужумга ўтамиз. Аксинча ҳолатда ҳимояланамиз. Бошқа нарсаларни ҳозир айтиб ўтишим тўғри бўлмас.

- Хорватияга қарши янада яхшироқ ўйин кўрамизми?
- Албатта, шунга интиламиз. Ўйин кечроқ вақтда бошланади. Бу эса бизга имконият беради. Янги Зеландия билан учрашувда иссиқ ҳаво туфайли катта қийинчиликка дуч келдик. Биз ғалаба учун ўйнаймиз. Балки, рақиб дуранг мақсадида шунчаки туриши мумкиндир. Биз асло бундай қилмаймиз.
 

Беҳзод Назаров ёзиб олди
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика