АГМК Эркин Байдуллаев "Қизилқум"га трансфер қилинганини тасдиқлади
15 авг 2020 19:08
Янгиликлар

АГМК Эркин Байдуллаев "Қизилқум"га трансфер қилинганини тасдиқлади

Ўтган мавсумдан эътиборан жамоамиз шарафини ҳимоя қилган тажрибали футболчи Эркин Байдуллаев 1 йиллик фаолиятдан сўнг АГМКни тарк этди.

Эркин Байдуллаев ўтган йил ёзги трансфер ойнасида "Қизилқум"дан АМГКга ўтганди. Роппа-роса 1 йил АГМКда ўйнаган Байдуллаев барча мусобақаларда жамоа сафида 22 ўйин ўтказиб, 2 гол муаллифига айланди.

Жорий ёзги трансфер ойнасида эса "Қизилқум" клуби таянч ярим ҳимоячи Эркин Байдуллаевнинг трансфер ҳуқуқини сотиб олиш учун расмий таклиф билан чиқди ва томонларнинг ўзаро келишувига кўра, АГМК Байдуллаевни навоийликларга трансфер қилди.

Эркин Байдуллаевга жамоамиз либосидаги ўйинлари ва меҳнати учун раҳмат айтиб, унинг келгуси фаолиятида омад тилаймиз!", - деб ёзади АГМК матбуот хизмати.

Эслатиб ўтамиз, олдинроқ сайтимизда Байдуллаевнинг "Қизилқум"га ўтаётгани ҳақида хабар берган эдик.