АГМК Дубайдаги ўқув-машғулот йиғини доирасидаги навбатдаги назорат ўйинини Хитой Суперлигаси вакили - "Циндао Ҳуанхай" билан ўтказади

"Циндао Ҳуанхай" ўтган йил Хитой Биринчи лигасида ғолиб чиқиб, жорий мавсумдан эътиборан Хитой Суперлигасида иштирок этиш ҳуқуқини қўлга киритди. Жамоа сафида испаниялик таниқли футболчи Жоан Верду, Кот-дИвуар терма жамоаси ҳамда "Барселона" ва "Манчестер Сити"нинг собиқ аъзоси -  Яя Туре ҳаракат қилади. Жамоани испаниялик Хуан Мануэль Лилло бошқармоқда.

Эслатиб ўтамиз, АГМК бунга қадар Тошкентдаги тайёргарлик босқичининг иккинчи қисмида "Оқ-тепа" (3:0) ҳамда "Сурхон"га (3:1) қарши назорат ўйинини ўтказиб, ҳар иккала баҳсда ғалаба қозонганди. Ўйин 5 февраль куни Тошкент вақти билан соат 17:00да бошланади. Олмалиқликлар бундан ташқари Дубайдаги йиғин доирасида Туркманистон терма жамоасига қарши ўйинда майдонга тушиб, 1:0 ҳисобида зафар қучишди.

Маълумот ўрнида: АГМК 27 январь куни бошланган йиғин 11 февралга қадар давом этиши режалаштирилган ва йиғин доирасида яна қатор назорат учрашувлари белгиланган.

АГМКнинг Дубайдаги йиғинидан суратлар