АГМК 2019 йилги охирги йиғинни якунлади ва қисқа таътилга чиқди

Куннинг дастлабки ярмида ўтган машғулотдан кейин Дўрмондаги қароргоҳда тўпланган жамоа биргаликда тушлик қилди ва жамоа бош мураббийи Миржалол Қосимов  жамоадаги барча персонал ҳамда футболчилар билан йил якунларига бағишланган кичик йиғилиш ўтказди. Йиғилишда сўз олган Миржалол Қўшоқович ўтказилган йил учун қўл остидаги ҳаммага раҳмат айтиб, янги йилни барча оила аъзолари билан яхши кайфиятда ўтказишини тилади. Ва футболчиларга янги йил байрами муносабати билан 4 кунлик қисқа таътил берилди.

Йиғилишда сўз олган Санъат Шихов Миржалол Қосимовга унга билдирган ишончи ва бирга ёнма-ён ўйнаган футболчилар ҳамда бутун мураббийлар штабидаги персоналларга миннатдорчилик билдирди. Шихов АГМКда уни илиқ кутиб олишгани ва ҳамжиҳат бўлган ажойиб коллективни унутмаслигини таъкидлаб, янги чорловни қабул қилаётганини эълон қилди ҳамда АГМК жамоаси билан илиқ хайрлашди. Шу ўринда АГМК жамоаси шарафини ҳимоя қилган Санъат Шиховнинг кейинги фаолиятига омад тилаб қоламиз!

Эслатиб ўтамиз, АГМК жамоасининг янги мавсумга тайёргарлик доирасидаги иккинчи йиғин 2020 йил 3 январь кунидан бошланади.