Агар Россия чемпионати муддатдан аввал тугатилса Шомуродов "Ростов"дан кетади. Унга Бундеслигадан аниқ таклиф бор
15 май 2020 11:35
Янгиликлар

Агар Россия чемпионати муддатдан аввал тугатилса Шомуродов "Ростов"дан кетади. Унга Бундеслигадан аниқ таклиф бор

Ўзбекистон терма жамоаси ва "Ростов" клуби ҳужумчиси Элдор Шомуродовга кўплаб клублардан қизиқиш борлиги ҳеч кимга сир эмас.

"Кейинги мавсум Бундеслигани янада кўпроқ ўзбекистонлик мухлислар томоша қилиш эҳтимоли юқори. Бироз аввал Элдор Шомуродовнинг агенти билан гаплашдим ва ундан қандайдир янгилик сўрадим.

Агар Россия премьер-лигасининг бу йилги мавсуми муддатдан аввал тугатилса, Шомуродов клубдан кетиши 100 фоиз аниқ. Агар Россия чемпионати давом эттирилса ўз-ўзидан Элдор "Ростов"да ўйнайди.

Бугунги кунда Ўзбекистоннинг энг машҳур ҳужумчисига Германия, Испания ва Италия клубларидан жиддий қизиқиш бор. Келишувга кўра клублар номи ошкор этилмайди. Элдор ва унинг агенти учун ҳозирда биринчи ўринда Германия клубининг таклифи турибди. Ундан кейин Испания, сўнгра Италия клуби таклифлари ўрганилмоқда.

Шундай экан, кейинги мавсум Шомуродов Германия Бундеслигасида ўйнаши мумкин", - деди championat.asia асосчиларидан бири Гайрат Хасбиуллин "Тезкор студия"нинг кечаги сонида.

Қуйида "Тезкор студия" дастурини томоша қилишингиз мумкин.