Бироз аввал терма жамоа лагерини тўрт нафар футболчи тарк этгани ҳақида хабар берган эдик.
Абрамов терма жамоа ихтиёрида бўлиб турган Одил Ҳамробеков, Остон Ўрунов, Дилшод Аҳмадалиев ва Жасур Яхшибоевни якуний рўйхатга киритмади.
Бугун машғулотни Жар стадионида ўтказаётган миллий жамоа таркибида «Бунёдкор» қанот ҳимоячиси Санжар Қодирқулов пайдо бўлган. Қодирқулов бугун тарк этган қанот ҳимоячиси Аҳмадалиев ўрнини тўлдирди.
Шу тариқа миллий жамоамиз 25 нафар футболчи билан тўлиқ таркибда Яман ва Сингапурга қарши ўйинларга тайёргарликни давом эттиради.
