“Рақибимиз жуда кучли эканини ҳамма яхши билади. "Ал-Қодисия" айни пайтда Саудия Арабистони чемпионатида иккинчи ўринда бормоқда. Тўп тепаётганлар орасида Тижжани Рейндерс, Матео Ретеги, Хулиан Киньонес, Начо ва Юлиан Вайгл каби Европанинг топ-клубларида ўйнаган футболчилар бор.
Бироқ "Пахтакор" ўз майдонида, ўз мухлислари қаршисида тўп тепади. Биз рақибни ҳурмат қиламиз, лекин улардан қўрқмаймиз. Илк турда меҳмонда Элит ОЧЛнинг охирги икки мавсумдаги чемпиони "Ал-Аҳли"га муносиб қаршилик кўрсатдик.
Барча мухлисларимизни стадионга келиб, "Пахтакор"ни ажойиб тарзда қўллаб-қувватлашларини сўраб қоламан”,- дейди Абдурауф Бўриев.
Маълумот учун, бугунги ўйин 18:45 да старт олади.
