Абдурашид Исмоилов: "Локомотив" айни пайтда Ўзбекистоннинг энг етакчи клуби"
25 мар 2016 22:10
Янгиликлар

Абдурашид Исмоилов: "Локомотив" айни пайтда Ўзбекистоннинг энг етакчи клуби"

"УзДонгЖу" - "Локомотив" учрашувидан сўнг мезбонлар бош мураббийи Абдурашид Исмоилов ўз фикрларини билдирди.

"Ўзбекистоннинг ҳозирги пайтдаги энг етакчи клубига қарши ўйнадик. "Шўртан"ни мағлуб этгач "Локомотив"га қарши майдонга тушишимизни билардик. Баҳс осон бўлмаслигини сезгандим. Йигитларимиз қўлларидан келганича ҳаракат қилишди. Олий лига жамоасига қарши ўйнадик. Бу биринчи лига баҳсларига тайёргарликда катта ёрдам берди деб ўйлайман.

Сунъий майдонда ўйнаганимиз учун асосан тўпни ушлаб туришга ҳаракат қилардик. Йигитлар табиий майдонда буни уддалай олишмади. Менимча "Локомотив"га ҳам бу майдон панд берди.

Биринчи лигани "Машъал-2" ва "Насаф-2"га қарши ўйинлар билан бошлаймиз. Бу баҳслар тайёргарлигимизни қандай бўлганини кўрсатиб беради", - дейди Абдурашид Исмоилов.

Исломбек Рустамбеков

Ҳавола :

Манба : championat.asia

Янгиликларни Телеграмда ўқинг!

Рейтинг: +2