UZ

Сўнгги янгиликлар

03:10Ҳавас  14 01:58Ла Лига. "Атлетико" "Реал Сосьедад"га қарши ўйинда иродали дуранг қайд этди, Суаресдан дубль   1 01:48"Ювентус" "Интер"га қарши ўйинда сўнгги дақиқаларда мағлубиятдан қутулиб қолди  20 01:42Лига 1. "Оранж Велодром"да ғолиб номи аниқланмади  3 01:25Салоҳ 12 ўйинда 15 та гол урди ва 5 та голли узатмани амалга оширди  3 00:58Куман "Барселона" мураббийи сифатида "Реал"га қарши ўтказган 3 ўйинида ҳам мағлуб бўлди  5 00:31Анчелотти: "Мен рақиб ҳақида гапиришни ёқтирмайман"  2 00:04Юрген Клопп: "Ғалабани пиво билан нишонлаймиз"  11 23:37РПЛ. Турнинг марказий ўйинида "Зенит" "Спартак"ни "янчиб ташлади"  3 23:22Ла Лига. "Атлетико" — "Реал Сосьедад": Гризманн ва Суарес асосий таркибда ўйинни бошлайди  0 23:17А Серия. "Интер" — "Ювентус": Дибала захирада қолдирилди  13 23:13Лига 1. "Марсель" — ПСЖ: "Юлдузли учлик" таркибда  5 23:06А Серия. "Рома"ни енголмаган "Наполи" пешқадамликни "Милан" билан бўлишадиган бўлди  63 22:45Ван Боммел "Вольфсбург" мураббийлигидан кетди  0 22:24"Ҳакамлар — лигамизнинг катта муаммоси"  6

Абдужамол Исроилов: "Оғир жароҳатдан сўнг яна футбол ўйнаётганимга шукр қиламан" Янгиликлар

Абдужамол Исроилов: "Оғир жароҳатдан сўнг яна футбол ўйнаётганимга шукр қиламан"

Фаолияти давомида "Нефтчи", "Навбаҳор" жамоаларидаги ёрқин ўйинлари билан мухлисларга яхши таниш бўлган футболчи Абдужамол Исроилов фарғоналик мухлислар билан онлайн мулоқот ташкил этди.

Мазкур мулоқот жараёни савол-жавоб кўринишида мухлислар эътиборига ҳавола этилмоқда.

- Абдужамол, сиз Ўзбекистон U-23 терма жамоаси сафида ҳам бир қатор мусобақаларда иштирок этгансиз. Сизда бу борада қандай таасуротлар бўлган?


- Ҳа, Ўзбекистон олимпия терма жамоаси сафида майдонга тушиш насиб қилган. Биз Япония, Корея каби кучли терма жамоаларни мағлубиятга учратгандик. Таасуротларим албатта жуда юқори бўлган, ўшандаги эмоцияларни таърифлаш ҳам қийин.

- Сиз жорий мавсум аввалида ҳозирги "Нурафшон" ("Бухоро") клуби сафида кўриниш бергандингиз. Лекин бу клубдаги фаолиятингиз узоққа чўзилмади...


- Тўғри, менга бу клубдан таклиф бўлганди. Бориб қўшилдим ва шартнома имзоладим. Лекин ҳали жароҳатдан сўнг тўлиқ формада эмасман. Уларга жисмоний тайёргарлигимни тиклашимга вақт кераклигини айтгандим, кутишни исташмади. Шу сабаб ўзаро келишувга кўра шартномани бекор қилдик ва дўстона хайрлашдик.

- Айни дамда олдингизда қайси клублардан таклифлар бор? Жисмоний тайёргарликни ушлаб туриш учун қаерда ва қандай машғулотлар билан машғулсиз?


- Ҳозир олдимда бирон клубдан аниқ таклиф йўқ. Оғзаки гап-сўзлар бор, лекин ҳеч бир клубдан ҳозирча расмий таклиф олмадим. Жисмоний тайёргаликни ушлаб туриш мақсадида бир оз муддат "Ёзёвон-Лочинлари" клубида ўйнадим. Шунингдек Ёзёвон туманидаги болалар ва ўсмирлар спорт мактабида мураббийлик фаолиятини олиб бораяпман. Ҳозир жароҳатдан сўнг яна футбол ўйнаётганимга шукр қилаяпман.

- "Нефтчи" бош мураббийи Илҳом Мўминжонов билан муносабатингиз қандай? Айтайлик сизни яна Нефтчида кўришимиз мумкинми?


- Илҳом ака билан аввал бирга ишлаганмиз, муносабатимиз яхши албатта. Балки яна "Нефтчи"да ўйнашим мумкиндир, буни билмадим.

- Фарғона вилоятининг бошқа клублари, масалан "Турон" ва "Қўқон-1912" жамоаларидан таклиф бўлса қабул қилармидингиз?


- Албатта, бу жамоалар ҳам Фарғона футболи шарафини ҳимоя қилишади. Таклиф бўлса қабул қилган бўлардим. Лекин бу амалга ошиши қийин бўлган жараён, чунки ҳозирда менда ўйин амалиёти етарли эмас.

- Фаолиятингиз давомида ўйинларини кўрган футболчилардан энг яхшилари кимлар? Чизиқлар бўйича?


- Дарвозада Игнатий Нестеров, ҳимояда Ислом Тўхтахўжаев, ярим ҳимояда Одил Аҳмедов, ҳужумда Элдор Шомуродов.

- Қайси хориж клубига мухлислик қиласиз?


- Англиянинг "Манчестр Юнайтед" клубига.

- Футболдаги кумирингиз ким бўлган?


- Бразилик Роналдонинг ҳаракатларини завқ билан кузатардим.

- Келгусидаги режаларингиз қандай?


- Режаларим биринчи навбатдаги жисмоний тайёргарлигимни тиклаб яна катта футболга қайтиш. Шунингдек келажакда мураббийлик соҳасида ҳам ўзимни синаб кўриш мақсадларим бор.

Суҳбат сўнгида футболчи мухлисларга ўзининг рамзий терма жамоасини тақдим этди.


Онлайн мулоқот жараёнидан матнларни Бекзод Толибов ёзиб олди.

Рейтинг: +6   

Фикрлар

+3   
23 сен 12:14:56
Азамат Абдуллаев
Shu ukam yaxwi edi saviyasi bizda yaxwi jaroxlar boganida bu ukam ham xozir futbol oynab yurardi iwlaringa omad uka
+1   
23 сен 15:44:00
Камолиддин Хужаев
Абдужамол жудаям камтарин бола. Иншааллох жорахати тузалиб аввалги формасидан ҳам кучлироқ бўлиб қайтсин. Охирги марта Сардор Рахмонов жароҳат етказган эди нагли. Шу шу Сардорни кўрсам асабим бузилади. Виждонинга ........ сени Сардор Ўзбекистондаги яхши ўйинчилардан бирини бошини единг
championat.asia
< сўнгги янгиликларни кўриш
Яндекс.Метрика