Аббосбек Файзуллаев Ўзбекистондаги энг тез футболчи ким эканлигини айтди
27 дек 2024 08:37
Янгиликлар

Аббосбек Файзуллаев Ўзбекистондаги энг тез футболчи ким эканлигини айтди

Ўзбекистон МТЖ аъзоси Аббосбек Файзуллаев Ўзбекистондаги энг тезкор футболчи кимлигини айтди.

«Ҳусанов Европанинг исталган жамоасида ўйнай олади. У мени энг яқин дўстларимдан бири. Биз кўп мулоқот қиламиз. Терма жамоадаги вақтимизда бир хонада яшаймиз. Мен унинг даражасини яхши биламан. У бемалол ПСЖ ёки бошқа ТОП жамоада ўйнаб кета олади. Унда футболчи учун керакли барча хислатлар бор. Тезлиги ҳақида эса гапирмасам ҳам бўлади. У Ўзбекистондаги энг тез футболчи десам бўлади. Унинг тезлиги ақлбовар қилмас даражада.

Мендан тезми? Юз фоиз. Мен қисқа масофага тез югуришим мумкин. Ҳусанов эса катта масофаларга ҳам жуда тез югуради. Бир марта ўлчаганимизда унинг тезлиги 35 км/соатга етганди», — деб фикр билдирди Аббос.