Аббосбек Файзуллаев: "ЦСКА Россия чемпиони бўлиши мумкин"

— Нима ҳақида орзу қиласан?
— Ўзбекистон билан ЖЧга чиқишни ва ЦСКА билан чемпион бўлишни истайман. Агарда янада кўпроқ меҳнат қилсак ва ўйинимизни яхшилаб борсак, келаси мавсумдаёқ Россия чемпионлигини қўлга киритишимиз мумкин, — дея Файзуллаев сўзларидан иқтибос келтирмоқда "Sport24".

Эслатиб ўтамиз, РПЛ жорий мавсум 29-туридан кейин ЦСКА 45 очко билан олтинчи поғонани банд этиб турибди. Файзуллаев армиячилар сафида ўтган йилнинг ёзидан буён ҳаракат қилмоқда. Жорий мавсум ўзбекистонлик ярим ҳимоячи барча мусобақаларни инобатга олганда 31 ўйинда майдонга тушиб, 5 та гол урди ҳамда 13 та голли узатма етказиб берди. Аббосбекнинг ЦСКА билан амалдаги шартномаси 2026 йил ёзигача мўлжалланган ва яна бир йилга узайтирилиши мумкин. 

"Transfermarkt" портали Файзуллаевнинг трансфер нархини 5 млн евро деб баҳоламоқда.