UZ

Сўнгги янгиликлар

23:50ЕЧЛ. "Манчестер Сити" - "Наполи" (матнли трансляция)  18 23:47ЕЧЛ. "Монако" Бельгияда "тарсаки еди", "Байер" Данияда дуранг ўйнади  0 23:20Луис Энрике "Аталанта"га қарши ўйинни трибунадан кузатгани сабабини айтди  0 23:00ЕЧЛ. "Ньюкасл" - "Барселона" ва бошқа учрашувларнинг асосий таркиблари маълум!  6 22:37Жозе Моуринью: "Фенербаҳче"да ишлаб хато қилдим, у ер менинг даражам эмасди"  14 22:22Бернарду Силва: "Доннарумма менга Куртуани эслатади"  0 21:55Марказлашган VAR тизими Ўзбекистонда илк бор масофадан туриб синовдан ўтказилди  5 21:39Ўзбекистон U-16 ўртоқлик ўйинида Черногорияни мағлуб қилди  4 21:23Сантьяго Канисарес ЕЧЛ фаворитларини санади  3 20:59Жозе Моуринью: "Бунгача мен ишлаган бирорта гигант клубдан бунчалик иштиёқ олмаганман"  4 20:25Суперлига. "Сурхон" ўз майдонида "Машъал"ни мағлуб эта олмади  6 20:08Расман: Жозе Моуринью - "Бенфика" бош мураббийи!  2 19:52"Манчестер Юнайтед"да Аморим ўрнига янги номзод маълум бўлди  6 19:28Тимур Кападзе Хитой терма жамоаси бош мураббийи бўлиши мумкин  61 19:05"Вест Хэм" Поттер ўрнига Лэмпардни тайинлаши мумкин. Ҳозирда мутахассис Чемпионшипнинг "Ковентри" клубида ишламоқда  0

Аббос Ғуломов: “Бунга кўникиш осон бўлмади” Янгиликлар

Аббос Ғуломов: “Бунга кўникиш осон бўлмади”

Наманганнинг “Навбаҳор” жамоаси аъзолари ҳам бугунги кунда барча қатори карантин шароитида якка тартибда машғулотларни давом эттиришмоқда.

Албатта, бундай шароитда спорт формасини ушлаб туриш осон эмас. Бу ҳақда жамоанинг ёш ва иқтидорли футболчиси Аббос Ғуломов ҳам фикрларини билдириб ўтди.

“Авваламбор барча юртдошларимизни яқинлашаётган ҳайит байрами билан табриклайман. Карантинда ҳамма турлича машғулотлар ва ишлар билан банд бўлмоқда. Кимдир китоб ўқимоқда, яна кимдир қизиқарли филмлар томоша қилмоқда. Мени куним эса асосан уй юмушлари билан ўтмоқда. Орада юзага келган танаффус сабаб оила аъзоларимга кўмаклашмоқдаман. Барча қатори биз ҳам катта футболга ва яшил майдонга қайтишни соғиндик. Бунга кўникиш осон бўлмади.

Ўтган йилгига қараганда анча ўсишга эришдим деб ўйлайман. Лекин, бу билан тўхтаб қолмоқчи эмасман. Янада кўпроқ меҳнат қилиб, ўз устимда кўпроқ шуғулланмоқчиман. Шу пайтгача маълум бир даражада тажриба тўпладим, жамоадаги ёши катта футболчилар ўз маслаҳатларини аямайди.

Мураббийларимиз карантинда спорт формамизни йўқотиб қўймаслигимиз учун турли қизиқарли машғулотлар дастурини юбориб туришади. Бу аввало ўзимиз учун керак деб биламан.

Футболчи учун тўғри овқатланиш ҳам муҳим саналади. Мен ҳам уйда қатъий тартиб асосида бунга риоя қилмоқдаман. Кўпи кетиб ози қолди. Тез орада ҳаммаси ўз ҳолига қайтишига умид қиламан”,- дейди Ғуломов.

Маълумот ўрнида айтиб ўтиш жоизки, Аббос Ғуломов Суперлига-2019 мавсумида жами 21та учрашувда майдонга тушди. Рақиблар дарвозасини эса бир бор ишғол қилиб, жамоадошларининг икки голига ассистентлик қилди. Жорий мавсумда эса у барча учта турда ҳам асосий таркибда дастлабки дақиқалардан бошлаб фаол ҳаракат қилди.


Абдулазиз Искандаров ёзиб олди

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика