Аббосбек Файзуллаев эртага майдонга туша оладими?!
14 окт 16:45
Янгиликлар
Аббосбек Файзуллаев эртага майдонга туша оладими?!
Бугун ана шу беллашув олдидан ўтказилган матбуот анжуманида терма жамоамиз ёрдамчи мураббийи Владо Радманович Аббосбек Файзуллаев кечаги машғулотда жароҳат олгани ҳақида айтиб ўтган эди.
Кўплаб мухлисларнинг ярим ҳимоячимизнинг аҳволи ҳақидаги ҳавотирларини инобатга олган ҳолда ушбу масалага ойдинлик киритишга ҳаракат қилдик. "Championat.asia"га маълум бўлишича, кеча Файзуллаев машғулот пайти жамоадошларидан бири билан тўқнашиб кетган. Жамоа шифокорлари тун бўйи Аббоснинг аҳволини яхшилаш учун уни назоратда ушлашган. Кечаги тўқнашув натижасида футболчимизнинг суяклари лат емаган ва эҳтимолий кутилган хавф ортда қолган. Бизнинг маълумотга кўра, Файзуллаев эртанги учрашувда иштирок этиши мумкин, у хатто бироздан сўнг бошланадиган терма жамоамизнинг расмий машғулотидан ҳам қатнашиши кутилмоқда. Ўзбекистон МТЖнинг ўйин олди расмий машғулоти 17:45 да "Жар" стадионида бошланади.
Шу ўринда муҳим футболчиларимиздан бирини тезроқ сафга қайтариш учун ҳаракат қилган терма жамоамиз шифокорларига миннатдорчилик билдириб ўтамиз.
Эслатиб ўтамиз, Ўзбекистон - БАА ўйини эртага, 15 октябрь куни "Бунёдкор" стадионида 19:00да старт олади.
Ўхшаш янгиликлар
championat.asia
Роналду: «Винисиус «Олтин тўп»ни ютиши керак эди, унга нисбатан адолатсизлик қилишди»
Роналду Саудия Арабистони чемпионатини Францияникидан кучли деб атади: "Лига 1да фақат ПСЖ бор, қолганлар ҳеч нарса эмас"
Бекободда футбол ўлмоқда. "Металлург" кетидан Шавкат Мирзиёев ташриф буюрган академия ҳам ёпилади 
АПЛ. "Ливерпуль" Лондонда "Вест Хэм"ни тор-мор этди
Фикрлар