9 май хотира ва қадрлаш куни. “Нефтчи” фахрийларни унутмайди!

Футбол жамоатчилигида ҳам ушбу санъа доимо ўзгача бир руҳда ўтказилади. Қайсидир туманда хотира турнири ташкил этилса, яна қайсидир жойда фахрийларни қадрлаш ишлари олиб борилади. “Нефтчи” ФК ҳам 9 май куни ўз вақтида клуб ривожига ҳисса қўшганларни йўқлашни унутмаган холда, клуб фахрийларига зиёфат дастурхонини ёзди.

  Великанов, Айриев ҳамда Вахтин каби ўз вақтида Фарғона футболига меҳнати сингган ва бугунги кунда ҳам икмон қадар вилоят футболи равнақига ҳисса қўшиб келаётган фахрийлар билан бир пиёла чой устида суҳбат уюштирилди ва уларга клуб томонидан совғалар тақдим этилди.

  – Ўтганларни руҳи шод бўлсин. Фарғона умуман мамлакатимиз футболи ривожига меҳнати сингган бир қатор фахрийларимиз бор. Уларни биз ҳеч қачон унутмаймиз. Бугунги тадбирни ташкил этишдан асосий мақсад ҳам улар билан клуб ўртасидаги алоқани янада мустаҳкамлашдан иборат эди. Фахрийларимизнинг фойдали маслаҳатлари ва тўплаган катта тажрибалари биз учун керак. Шунинг учун улар билан ҳамиша дўстона муносабатни сақлаб қолмлғимиз керак – дейди “Нефтчи” клуби раиси Тоҳир Кападзе.