"Қизилқум"ни тарк этган дарвозабон Санжар Қувватов собиқ жамоаси "Пахтакор"га қайтди. Томонлар ўзаро шартнома имзолаб бўлишган. Қувватовга Суперлиганинг бошқа жамоасидан ҳам таклиф бўлган, лекин посбон "шерлар"ни танлаган", – дейилади хабарда.
Маълумот учун, Қувватов 2019-2024 йиллар давомида "Пахтакор" сафида 5 марта Ўзбекистон чемпиони, 2 марта Ўзбекистон Кубоги соҳиби ва 2 карра Суперкубок ғолиби бўлган.
35 ёшли посбон якунланган мавсум 30 ўйинда қатнашиб, 38 та гол ўтказиб юборди ва 12 та баҳсда дарвозани "қуруқ" сақлади.
