АПЛ. "Арсенал" ва "Челси" ғалабага эришди, "Манчестер Юнайтед" ўз майдонида "Вулверхэмптон"га мағлуб бўлди

Алекс Ивоби 20-дақиқада ҳисобни очди. Аммо, ўйин сўнггида, аниқроғи 83-дақиқада Тайрик Жорж ва 90+3 дақиқада Педро Нету гол уриб, "Челси"га ғалаба тақдим этди.

"Арсенал" эса меҳмонда йирик ғалабага эришди. Леандро Троссард дубль қайд этди, Габриэль Мартинелли ва Итан Нванери ўз ҳисобига гол ёздириб қўйди. Шунингдек, "Ипсвич" биринчи бўлимда бир киши кам бўлиб қолганини қайд этиш лозим (Лиф Дейвис 32-дақиқада майдондан четлатилди).

"Манчестер Юнайтед" "Олд Траффорд"да "Вулверхэмптон"га таслим ўтди. Ғалаба голини 77-дақиқада меҳмонларнинг испаниялик ярим ҳимоячиси Пабло Сарабия урди.