Неймар Наманганга келмайди
18 окт 2023 11:02
Янгиликлар
"Ал Ҳилол"нинг бразилиялик ҳужумчиси Неймар Осиё Чемпионлар Лигаси гуруҳ босқичининг 5-туридан ўрин олган "Навбаҳор"га қарши учрашувни ўтказиб юбориши мумкин.
31 ёшли форвард ЖЧ-2026 саралаш босқичи доирасидаги Уругвайга қарши ўйинда жиддий жароҳат олди ва электрокар ёрдамида майдондан олиб чиқилди.
Учрашувдан кейин эса у қўлтиқтаёқда стадионни тарк этди. Дастлабки тиббий хулосаларга кўра, Неймар камида 2-3 ой майдонга туша олмайди. Жароҳат ўта жиддий бўлса, бу муддат 7-9 ойгача чўзилиши мумкин.
Араб нашрларининг хабарларига кўра, Неймар "Ал Ҳилол"нинг 2023 йил сўнгига қадар 15 учрашувини ўтказиб юборади. Ўзбекистонда ўтказиладиган ОЧЛ гуруҳ босқичининг 5-тури доирасидаги "Навбаҳор"га қарши ўйини ҳам шулар жумласидан.
Эслатиб ўтамиз, "Навбаҳор" – "Ал Ҳилол" учрашуви 28 ноябрь куни Наманган шаҳрида бўлиб ўтади.
Ўхшаш янгиликлар
championat.asia
Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди
Ла Лига. "Реал Мадрид" сўнгги дақиқада гол уриб, "Мальорка"ни мағлубиятга учратди. "Барселона" чемпионликни ўзи ҳал қилишига тўғри келади
Амалдаги чемпион ва кубок соҳиби Ўзбекистон кубоги гуруҳ босқичида қолиб кетди
“Таклиф устида узоқ ўйланмадим, бу биз учун янги чақирув” – Максим Шацкихдан дастлабки фикрлар
Фикрлар