Ошпаз ва официантликдан футболга. Боаке ҳақида 7 қизиқарли факт

– Мартин Италияда туғилган, аммо унинг ота-онаси ганалик.

– Боаке меҳмонхона менежирлари тайёрлайдиган мактабда таҳсил олган, ўқиш давомида ошпазлик ва официантлик курсларига борган.

– Мартин дастлаб ярим ҳимоячи позициясида тўп тепган, болаликдаги жамоаларидан бири ҳужумчисиз қолгач, у олдинги чизиққа ўтказилган ва икки ўйинда иккита гол урган. Шундан сўнг форвард позициясида ўйнай бошлаган.

– Боаке Ўзбекистон чемпионатида тўп тепаётган биринчи италиялик футболчи саналади.

– Ҳужумчи Ўзбекистон чемпионатидаги дастлабки голини "Қўқон-1912" дарвозасига урган бўлса, иккинчисида ўз дарвозасини нишонга олган.

– Боаке Африкада "Martin Boakye Foundation" номли хайрия жамғармаси очган: даромадининг катта қисмини қишлоқларда яшаётган африкаликларга ёрдам беришга сарфлайди.

– Боакенинг уч нафар севимли ўйинчиси бор: Балотелли, Лукаку ва Дрогба.

Баскетбол терма жамоасига чақирилган, балиқли майдонда тўп тепган ҳамда Жек Читтак мухлиси

Гепард таъқибидан қочган, Арсен Венгердан таклиф олган ҳамда Ўзбекистондаги титулларни йиғиштириб олаётган Драган Черан билан яқиндан танишамиз

Оқил Абдубарноев тайёрлади.