Championat.asia сайтига маълум бўлишича, "Пахтакор" ярим ҳимоячиси Аббос Файзуллаевнинг кейинги клуби Россиянинг ЦСКА клуби бўлади.
Маълумот учун, "армиячилар" 13 карра Россия чемпиони ва шунча марта мамлакат кубоги соҳиби ҳисобланади.
2022/23 йилги мавсумда жамоа Россия Премьер-лигасида иккинчи ўринни эгаллади.
Файзуллаев жорий мавсум "Пахтакор" сафида Ўзбекистон Суперлигаси доирасида 6 та ўйинда майдонга тушиб, 2 та гол урди ва 1 та голли узатмани амалга оширди. Шунингдек, ярим ҳимоячи Ўзбекистон ёшлар терма жамоаси билан биргаликда қитъа чемпионига айланди ҳамда жаҳон чемпионатининг нимчорак финалига қадар етиб борди.
Қолаверса, у жорий йил миллий терма жамоаси таркибида дебют қилди.
