Мутахассис билан келишув 2024 йилнинг 31 декабригача узайтирилди.
УЕФАнинг ПРО лицензиясига эга мураббий билан олдинги шартнома муддати шу йилнинг 31 декабрь куни якунига етарди.
"Виталий Левченко жамоамизга келганидан буён жамоани бош мураббийи сифатида 26 бор майдонга бошлаб тушди ва ушбу учрашувларда жамоамиз 12 учрашувда ғалаба қозонган, 4 бор мағлубиятга учраган ва 10 бор дурранг ўйнаган. Ушбу учрашувларда 41 бор гол уриб, 26 бор гол ўтказиб юборганмиз. Ушбу кўрсаткичлар сўнги йиллардаги жамоамизнинг энг яхши кўрсаткичи бўлиб турибди", – дейилади Фарғона клуби матбуот хизмати хабарида.
Айни пайтда "Нефтчи" 25 очко тўплаган ҳолда Суперлигада 3-ўринни эгаллаб турибди.
