Пике ва Шакира 12 йиллик муносабатлардан сўнг ажрашишларини эълон қилишди

Жуфтлик бу янгиликни қўшма баёнотда расман эълон қилишди.

"Афсус билан хабар қиламизки, бизнинг йўлларимиз энди айро.

Биз учун энг асосийси ҳисобланган болаларимиз фаровонлиги учун шахсий ҳаётга ҳурмат сақлашни сўраб қоламиз. Тушунганингиз учун раҳмат", - дейилади баёнотда.

"Барселона" ҳимоячиси ва қўшиқчи деярли 12 йилдан бери бирга эдилар, аммо улар расман турмуш қуришмаган. Жуфтликнинг икки фарзандлари бор – Милан (9 ёш) ва Саша (6 ёш).

Хабарларга кўра, жуфтлик Пикенинг қўшиқчига хиёнат қилгани сабаб ажрашишди.