Суперлигага олиб чиққан мураббий билан ҳамкорликни давом эттирмоқчи бўлган "Динамо" Ҳаким Фузайлов билан дўстона хайрлашди

«Динамо» ПФК билан тузилган бир йиллик шартномаси якунига етгач, жамоа бош мураббийи Ҳаким Фузайлов клуб билан дўстона хайрлашди.

Тожикистонлик тажрибали мутахассис қўл остида «Динамо» жамоаси 2021 йилги мавсум якунларига кўра Про лигадан Суперлигага йўлланма олди. Самарқандда ўтган навбатдаги муваффақиятли фаолияти учун Ҳаким Қаюмовичга миннатдорчилик билдириб, кейинги ишларига омад ва зафарлар тилаб қоламиз.

«Динамо» ПФК раҳбарияти айни дамда бир қатор мутахасссислар билан музокара олиб бормоқда. Янги бош мураббий масаласида келишувга эришилса, клуб расмий сайтида эълон қилинади.

Эслатиб ўтамиз, 29 октябрь куни Самарқанд клуби "Суперлигага олиб чиққан мураббийлар штаби билан ҳамкорликни давом эттиришни режалаштиргани" ҳақида хабар берганди: «Динамо» матбуот хизмати: «Мураббийлар штабида ўзгариш бўлиши ҳақидаги хабарлар асосга эга эмас»