31 ёшли Врсалько фаолиятини якунлаганини эълон қилди
23 мар 2023 14:53
Янгиликлар

31 ёшли Врсалько фаолиятини якунлаганини эълон қилди

"Атлетико"нинг хорватиялик собиқ ҳимоячиси энди агентга айланади.

31 ёшли футболчи кўплаб жароҳатлари туфайли шундай қарорга келган. Ноябрь ойида у "Олимпиакос" билан шартномани бекор қилганди, энди эса профессионал фаолиятини якунлаганини эълон қилди. Келажакда у футбол агенти бўлишни режалаштирмоқда.

Врсалько – Загребнинг “Динамо” клуби тарбияланувчиси. Фаолияти давомида "Женоа", "Сассуоло", "Атлетико", "Олимпиакос" каби клублар шарафини ҳимоя қилган. У бир мавсумни "Интер"да ижара асосида ўтказган.

Врсалько Хорватия терма жамоаси сафида 48 та ўйинда майдонга тушган. 2018 йилги Жаҳон чемпионатида кумуш медални қўлга киритган.

Ҳавола :

Манба : Germanijak.hr

Янгиликларни Телеграмда ўқинг!

Рейтинг: +3