Хомяков билан вазият жиддийми? Аслида нима бўлганди? "Металлург" жамоаси бошлиғи Шавкат Саидов барчасига ойдинлик киритди
26 авг 2021 12:10
Янгиликлар
Хомяков билан вазият жиддийми? Аслида нима бўлганди? "Металлург" жамоаси бошлиғи Шавкат Саидов барчасига ойдинлик киритди
Бироз олдин сайтимиз мухбири ушбу вазият юзасидан "Машъал" бош мураббийи Александр Хомяковнинг фикрларини эътиборингизга ҳавола қилганди. Эндиликда иккинчи томон яъни "Металлург" жамоаси бошлиғи Шавкат Саидовнинг фикрларини тақдим қиламиз.
"Мен Александр Хомяковни қаттиқ ҳурмат қиламан. Биз бир-биримизни анчадан бери яхши биламиз. Қолаверса бирга ўқиганмиз. Учрашувдан сўнг шахсан ўзим уни ғалаба билан табриклаб кузатиб қўйдим. Шунингдек баҳсдан олдин анча маслаҳатларини олдим, айниқса академия борасида. Бевосита муҳокамага сабаб бўлаётган вазиятга тўхталсам, бу шунчаки эҳтирослар. Аҳир Муборакнинг нон-тузини еганман. Ҳолат мухлислар ўйлагандек умуман жиддий эмас. Баҳсдан кейин фикр алмашиб кузатиб қўйдим. Сайтдагилардан кўп ортиқча муҳокамаларга берилмасликни сўраб қоламан. Ҳаммаси жойида",- дейди Шавкат Саидов.
Ҳозирда мағлубиятлар гирдобига тушиб қолган "Металлург"да мураббий ўзгарадими? Ушбу саволга жамоа бошлиғи қуйидагича жавоб берди.
"Жасур Абдураимовнинг истеъфоси бўйича гап-сўзлар йўқ. Мураббийнинг ўзи кетаман деса ҳам қўйворишмайди. Ишонч билдиришда давом этилади",- дейди жамоа бошлиғи.
Александр Хомяков: "Металлург" билан ўйиндан кейинги воқеани ортиқча муҳокама қилмоқчи эмасман"
Фикрлар