3 ойда ҳайдалган Испания футбол федерацияси президенти ўрнига янги раҳбар сайланди, аммо у ҳам 3 ойда ишсиз қолиши мумкин

У 2028 йилгача федерация раҳбари сафитад фаолият юритади.

Маълумотларга кўра, Лусан номзодини Ассамблеянинг 90 вакили қўллаб-қувватламоқда, унинг рақиби Сальвадор Гомар 43та овоз йиққан. Хабар беришларича, сайловолди кампанияси даврида Лусанни ЛаЛига раҳбари Хавьер Тебас қўллаб турган.

Лусан қисқа муддат ичида федерация президентлигидан кетиши мумкин, чунки у Мораньядаги футбол майдони реконструкцияси учун ажратилган пулларни ўғирлашда айбдор деб топилган. Лусан бу қарор бўйича Испания олий судига апелляция берган, якуний қарор 2025 йилнинг февралида эълон қилинади.

Эслатиб ўтамиз, федерациянинг аввалги президенти Педро Роча сайловда ғолиб бўлганидан 3 ой ўтиб ишсиз қолган эди. У мансабини суистеъмол қилгани учун 2 йилга футболдан четлатилган.